Ushtrimet që ju mbajnë trurin të ri

Shëndetësia

Ushtrimet që ju mbajnë trurin të ri

Më: 20 mars 2018 Në ora: 16:56
Foto Ilustrim

Truri duhet të mbahet gjithmonë në trajnim në mënyrë që të funksionojë në mënyrë të përkryer.

Disa ushtrime janë të mjaftueshme për të marrë një rezultat të habitshëm.

Trajnimi i mendjes mund të bëhet në çdo kohë. Në fillim do të jetë komplekse dhe shumë ushtrime do të jenë të lodhshme, por me kalimin e kohës, mendja do të fitojë elasticitetin e nevojshëm për të punuar më mirë dhe në një mënyrë efikase, duke sjellë përfitime edhe në aktivitetet e përditshme.

1. Kombinoni fjalët dhe ngjyrat

Vetëm merrni disa letra dhe lapsa me ngjyrë. Në çdo letër duhet të shkruani emrin e një ngjyre duke përdorur ngjyrë tjetër. Sapo të mbaroni, duhet t’i lexoni shpejt, duke u kujdesur që të mos i bashkëngjitni ngjyrën që keni përdorur me emrin. Për ta bërë këtë ju do të duhet të përqendroheni, duke përdorur aftësitë tuaja mendore në maksimum.

2. Shkruani me doren e kundert

Në varësi të asaj që është dora juaj dominuese, rekomandohet që të përpiqeni të shkruani disa fjali çdo ditë duke përdorur dorën tuaj tjetër. Në fillim do të jetë e vështirë por më vonë do të bëheni gjithnjë e më të shkathët.

3. Luani me kujtesën

Gjeni figurat identike, duke kujtuar saktësisht se ku ata ishin të pozicionuar, do të ndihmojë për të trajnuar kujtesën dhe për të parandaluar plakjen e trurit. Ju nuk duhet të dekurajoheni në fillim, sepse do të përmisoheni pas disa lojërave. Gjithashtu lojra të tjera të dobishme për aktivitetin e mendjes janë fjalëkryqet dhe sudoku.

Truri nuk është një muskul, por duhet të mbahet në stërvitje në mënyrë që të funksionojë në mënyrë të përkryer. Duke e aktivizuar atë në mënyrën e duhur, mund të sjelli ndryshime në strukturën fizike të trurit dhe ta mbaj atë zgjuar dhe aktiv.

4. Argëtohuni me numrat

Luajtja me numra është një nga mënyrat më efektive për ta mbajtur trurin aktiv. Vetëm lexoni disa seri të numrave në mënyrë të përsëritur për të larguar stresin, pagjumësinë, nervozizmin, dhimbjen e kokës dhe lodhjen. Efektive është dhe numërimin mbrapsht, ndoshta duke kërcyer nga 5 në 5 ose 7 në 7, llogaritja me mendje dhe kryerja e shumëzimit të thjeshtë të numrave dyshifrorë. Me thjeshte akoma, mbani mend numrat e telefonit, kodin tuaj të kartës etj.

5. Zgjero shqisat

Bëni aktivitete të vogla të përditshme me sytë tuaj të mbyllur, duke u përqendruar në shqisat e tjera, ndërsa ndjeni natyrën, gjërat dhe njerëzit.
Një mënyrë e këndshme është të endesh nëpër shtëpi me sytë e tu të mbyllur duke kërkuar një triko ose duke pranuar vetëm sendet që preken ose hahen.

6. Shkruani një tregim të shkurtër

Te lexuarit dhe te shkruartit ndihmon që mendja të jetë aktive. Por përpiquni të shkruani një tregim me vetëm dhjetë fjalë, duke u përpjekur të kuptoni atë që prodhohet, sigurisht që nuk është e thjeshtë, por ju lejon të përdorni plotësisht kreativitetin.

7. Vëzhgoni (vërtet!)

Ne shpesh shohim, por nuk vëzhgojmë. Sa herë ndodh, pas një takimi, të mos kujtojmë se si ishte veshur një person ose detajet e vendit ku kaluam një mbrëmje të tërë?
Për t’u stërvitur, merrni një pamje nga një revistë me plot detaje dhe objekte, vëreni atë për 30 sekonda dhe pastaj hiqni atë. Me pas përpjekur të përshkruani në një fletë të gjitha objektet që mbani mend. Provo përsëri menjëherë me një foto të re për 1 minutë dhe do të shihni se sa do të rritet numri i detajeve që mbani mend.

8. Ndryshoni zakonet tuaja

Ndryshoni rutinen e perditshme, si p.dh. ndryshimi i rrugës për të shkuar në punë, zëvendësimi i një  karrigeje ose arredimi ndryshe i ambjentit ku punojmë e jetojmë.

commentFirst article
Sot mund të lexoni Shfletoni kopertinat