Sipas shumë specialistëve të shëndetit dhe studimeve, shmangia tërësore e ëmbëlsirave ka më shumë ndikim në mirëqënien tonë se përfshirja e tyre.
Në fakt ëmbëlsirat I shërbejnë mirëqënies. Merrni parasysh faktet e sugjerimet e mëposhtme.
Përfitimet nga përfshirja e ëmbëlsirave në një dietë të shëndetshme dhe të balancuar
Pëmirëson kontrollin e peshës
Në një studim të ri u përfshin 195 persona obezë, të cilët ndoqën një dieta me kalori të kontrolluara për 16 javë. Të dyja planet ushqimore përmbanin të njëjtën sasi kalorish dhe të ashtuquajturat ushqime të shëndetshme me një ndryshim të vetëm, njëri grup konsumonte ëmbëlsira çdo ditë. Ata që hanin ëmbëlsira humbën pak më shumë peshë sesa ata që nuk I konsumonin ato dhe kishin më sukses që të mos I rivendosnin më kilet e humbura.
Shumica e njerëzve rimarrin peshën e humbur, çfarëdo diete të kenë ndjekur. Por nëse hani atë që ju pëlqen, ulni edhe nivelin e urisë, nepsit apo dëshirës për të ngrënë.
Ul dëshirën për të ngrënë ushqime të pashëndetshme
Përfitimi nga ëmbëlsira është I menjëhershëm për ata që nuk janë në dietë. Pse? Sepse edhe gjatë rutinës duhet të jemi të kënaqur dhe të qenit fleksibël në dietë parandalon ndjenjën e dëshpërimit, që mund të stimuloj shtimin në peshë. Nëse I shikoni ëmbëlsirat si trajtim që I bëni vetes dhe jo si diçka të pashëndetshme apo të keqe, ndihmon në uljen e dëshirës për sheqer.
Një tjetër studim tregoi se konsumimi I përditshëm I çokollatës së zezë ndihmon për të vënë në fre dëshirën për të ngrënë ushqime të pashëndetshme. Pjesmarrësit që hëngrën çokollatë të zezë, morën 15 përqind më pak kalori ditore krahasuar me ata që nuk hëngrën çokollatë të zezë.
Përmirëson marrjen e lëndëve ushqyese
Kur trupi ynë ka mungesë të lëndëve ushqyese apo kalorive, kemi tendencën të hamë ushqime të rënda. Të ngrënit e pakët është një nga arsyet pse kemi uri.
Në disa raste, një ëmbëlsirë e rëndë është thjesht karburanti që I nevojitet trupit dhe mendjes tuaj. Sidomos nëse konsumoni shumë pak karbohidrate. A janë ëmbëlsirat burimi më I shëndetshëm I karbohidrateve? Zakonisht jo. Por konsumi I karbohidrateve të mjaftueshme nga çdo burim është më I shëndetshëm se sa t'i anashkalosh ato.
Ëmbëlsirat mund të sigurojnë lëndë ushqyese kryesore nga drithërat, si gruri apo frutat e thata, si arrat. Kini parasysh këto ëmbëlsira:
Byreku me kungull përmban sasi të mëdha fibrash, kalcium dhe vitamina A dhe C. Një fetë standarde rekomandohet për të marrë sasinë e nevojshme të vitaminës A për një të rritur.
Revani me luleshtrydhe. Ajo përgatitet me tërshërë dhe luleshtrydhe të plota. Përmban yndyrna të shëndetshme, fibra dhe një sasi të konsiderueshme të vitaminës B.
Tartë me boronicë. Siguron një sasi të konsiderueshme antioksidentësh dhe rreth 8 gramë fibra për çdo fetë, rreth 1/3 e minimumit të fibrave që gratë duhet të marrin çdo ditë dhe ¼ e sasisë së nevojshme për meshkujt.
Çokollata e zezë është e pasur me antioksidant dhe ka ndikim pozitik në kontrollin e sheqerit në gjak dhe shëndetit të zemrës. (Sa më e zezë, aq më e mirë).
Biskotat me tërshërë e rrush të thatë sigurojnë një sasi të konsiderueshme fibrash, vitamine B, kalcium dhe hekur.
Një filxhan me akullore të rrahur lehtë siguron 12 përqind të nevojës ditore që kanë të rriturit për kalcium dhe aq proteina sa një vezë.
