Kanceri i pankreasit po vret më shumë evropianë se kurrë dhe normat e vdekjes po rriten, sipas hulumtimeve të reja.
Numri i vdekjeve pothuajse është dyfishuar në tre dekadat e fundit dhe tani vret më shumë se 95.000 njerëz në vit, duke e bërë atë kancerin më vdekjeprurës të kontinentit.
Pesë për qind më shumë njerëz vdiqën nga sëmundja në vitin 2016 se në vitin 1990, që do të thotë se shkalla e vdekshmërisë është rritja më e shpejtë e të gjitha pesë shkaqeve kryesore të vdekjes së BE-së.
Hungaria ka shumicën e njerëzve që vdesin nga sëmundja, me 12 në çdo 100,000, ndërsa norma më e ulët është në Qipro ku janë shtatë. Britania e Madhe renditet në pozitën 19 nga 28 vende, me një normë vdekjeje prej nëntë personash për 100,000, sipas shifrave.
I njohur si "vrasësi i heshtur", simptomat janë të vështira për t'u identifikuar - duke e bërë të vështirë për t'u hetuar herët kur operacioni i shpëtimit të jetës ende mund të kryhet. Megjithatë, pavarësisht nga pacientët që humbin 98 për qind të jetëgjatësisë së tyre të shëndetshme të pritshme, sëmundja merr më pak se dy për qind të të gjitha fondeve për kërkimin e kancerit, transmeton KosovaPress.
Kanceri i pankreasit tani ka kapërcyer kancerin e gjirit për ta bërë atë llojin e tretë më vdekjeprurës - prapa mushkërive dhe zorrëve, thonë ekspertët.
Kanceri i mushkërive, gjirit dhe zorrëve kanë shënuar reduktime të konsiderueshme në normat e vdekjeve që nga viti 1990. Shkencëtarët besojnë se çelësi për kthimin e valës qëndron te targetimi i baktereve të zorrëve që ka qenë i lidhur me një sërë sëmundjesh.
Kancer pankreatik është një nga format më vdekjeprurëse të sëmundjes. Rreth 95 për qind e njerëzve që e kontraktojnë vdesin prej saj. Rreth 10,000 njerëz janë diagnostikuar me kancer pankreatik çdo vit në Britani të Madhe dhe 50,000 në SHBA.
Shumica e rasteve (90 për qind) janë te njerëzit mbi moshën 55-vjeç. Rreth gjysma e të gjitha rasteve të reja ndodhin te njerëzit e moshës 75-vjeç e lart. Një në 10 raste i atribuohet gjenetikës. Shkaktarë të tjerë përfshijnë moshën, duhanin dhe kushtet e tjera shëndetësore, përfshirë diabetin.
Nuk ka metodë të shqyrtimit për kancerin e pankreasit. Ai zakonisht nuk tregon simptoma në fazat e hershme, kur do të ishte më i menaxhueshëm. Të sëmurët priren të fillojnë të zhvillojnë shenjat treguese - verdhëza dhe dhimbje abdominale - rreth fazës 3 ose 4, kur ka gjasa të përhapet në organe të tjera.
I vetmi trajtim efektiv është heqja e pankreasit. Hulumtuesit po hetojnë se si ndryshimi i mikrobeve të pankreasit mund të ndihmojë në ngadalësimin e rritjes së tumorit dhe t’i mundësojë trupit të zhvillojë mekanizmin e vet të mbrojtjes.
Studimet kanë treguar se heqja e baktereve nga zorrët dhe pankreasi ngadalësuan rritjen e kancerit dhe kanë arritur të 'riprogramojnë' qelizat imune për të sulmuar qelizat e kancerit.
Kanceri i pankreasit fillon në indet e pankreasit - një organ në bark që gjendet prapa pjesës së poshtme të stomakut. Prodhon enzima që ndihmojnë tretjen dhe hormonet që ndihmojnë në rregullimin e aftësisë së trupit për të përdorur sheqernat nga ushqimi. Kanceri i pankreasit shpesh ka një prognozë të dobët edhe kur diagnostikohet në fillim - dhe përhapet me shpejtësi.
