Një hulumtim tregon se një ekzoplanet 8 herë më i madh se Toka mund të ketë kushte të favorshme për jetë.
Në kuadër të hulumtimit, rezultatet e të cilit u publikuan në revistën “The Astrophysical Journal Letters”, u analizuan të dhënat rreth masës, radiusit dhe atmosferës së ekzoplanetit K2-18b, 124 vite dritë larg nga Toka.
Astronomët nga Universiteti Cambridge konstatuan se K2-18b gjendet në një distancë të përshtatshme me yllin dhe se nën atmosferën e pasur me hidrogjen mund të ketë ujë në formë të lëngshme.
Dy ekipe të ndryshme në vitin 2019 njoftuan se kanë gjetur avull të ujit në atmosferën e ekzoplanetit.
