Nëse keni iPad, deri në fund të vitit mund të kthehet në një MacBook, apo së paku në një formë të ngjashme.
Raporti i The Information, lë të kuptohet se Apple është duke e shkrirë ndarjen në mes të një prej laptopëve më të mirë, me një tablet, transmeton Telegrafi.
Burimet anonime kanë bërë të ditur, se iPad i ri do të ketë një tastierë të përditësuar, si dhe hapësirën e njohur si trackpad. Tastierat për tableta nuk janë asgjë e re, mirëpo sërish duhet të preket ekrani për t’i kryer funksionet e duhura.
Sikur informacioni të jetë i saktë, Apple do t’ju lejojë të mbështesni tastierën e MacBook në iPad, duke e kthyer atë në një laptop me një ekran të ndjeshëm në prekje.
Ky veprim i Apple, mbase mund të bëhet, për shkak se ende nuk ka ndonjë laptop që ka ekran të ndjeshëm në prekje, megjithëse po kërkohet nga përdoruesit.
Sigurisht, MacBooks dhe iPad i kanë sistemet e tyre unike të funksionimit, por shumë njerëz ndoshta janë të gatshëm të humbasin veçoritë e laptopit për fleksibilitetin e një tableti me tastierë.
