Organizatorët e Lojrave Olimpike të Tokyos që do të zhvillohen në 2020 janë duke menduar të përdorin metalin nga mbetjet elektronike të papërdorshme për të prodhuar medaljet që do u jepen kampionëve.
Propozimi u diskutua në Qershor dhe organizatorë olimpikë, qeveria dhe kompanitë private që do të merren me ndërtimin e tyre morën një vendim të tillë pasi Japonia ka më pak burime natyrore të metaleve të çmuara krahasuar me vendet e tjera. Rreth 17% e arit botëror dhe 22% e argjendit gjenden në pajisjet e elektronike dhe Japonia ka menduar të përdorë këto për medaljet e saj olimpike.
Pajisjet elektronike të nevojshme për këtë do të dhurohen nga njerëzit, që nuk i përdorin më ato pasi mund të mos jenë funksionalë ose janë me defekte. Pastaj një kompani do të merret me riciklimin e tyre dhe nxjerrjen e metaleve të çmuara nga ato.