Sendet personale të astronautit Neil Armstrong, njeriu i parë që eci në Hënë, u shitën në një ankand për më shumë se 7.4 milionë dollarë.
Shtëpia e ankandit Heritage në Dallas njoftoi se me çmimin më të lartë prej 468,000 dollarësh, u shit shenja e identifikimit të Armstrong nga moduli hënor Apolo 11, transmeton KosovaPress.
Një pjesë e helikës dhe një pjesë e krahut të aeroplanit të vëllezërve Wright u shit për 275,000 dollarë, raporton AP.
Veshja e Armstrong që barti në misionin e vitit 1966 u shit për 109.375 dollarë.
Përveç kësaj, në një ankand të veçantë, helmeta e artë e John Glenn, amerikani i parë që fluturoi jashtë Tokës, u shit për 46,250 dollarë.
