Ministri i Brendshëm ka shkarkuar nga detyra drejtorin e Policisë së Shkodrës, Vehbi Bushati.
Kjo lëvizje vjen në një kohë kur kryeqendra e veriut është tronditur nga disa ngjarje të rënda kriminale.
Në vend të Bushatit është emëruar Niko Brahimajn.
Por jo vetëm kaq, pas është larguar edhe shefi i komisariatit, Vasil Çela, ndërsa në vend të tij është emëruar Lorenc Meta.
“Për t’i dhënë një impuls të ri kemi vënë në Policinë e Shkodrës Niko Brahimaj në vend të Vehbi Bushatit.
Erdha në Shkodër për këtë arsye por edhe për ngjarjen e rëndë të ndodhur. Është vrasje për larje hesapesh në Shkodër. Forcat e policisë po bëjnë maksimumin për ta zbardhur ngjarjen”, deklaroi Lleshaj nga Shkodra.
Situata në Shkodër vijon të jetë e rënduar me disa vrasje, shumica prej të cilave pa autorë.