Ngriti flamurin shqiptar në Mal të Zi, shkodrani kaloi Vitin e Ri në burg - Bota Sot
Ngriti flamurin shqiptar në Mal të Zi, shkodrani kaloi Vitin e Ri në burg

Shkodra

Ngriti flamurin shqiptar në Mal të Zi, shkodrani kaloi Vitin e Ri në burg

Më: 7 janar 2020 Në ora: 14:08
Irfan Domnori

Simbolet shqiptare tashmë lejohen me ligj në mal të Zi, por shpalosja e tyre i ka kushtuar dy here arrestim aktivistit Irfan Domnori. Ai e kaloi natën e vitit të ri në një burg, pasi u shpall fajtore se valëviti flamurin shqiptar gjatë vendosjes së bustit të Gjergj Kastriotit në Tuz në muajin Tetor. 

Natën e ndërrimit të viteve e kaloi në burg në shtetin e Malit të Zi. Shkodranit Irfan Domnori ju vunë për herë të dytë prangat, me të njëjtën akuzë, për valëvitje të flamurit kuq e zi në këtë shtet.

Këtë herë autoritetet malazeze u kujtuan se përveç festes së Krajës në nëntor, më herët në 15 tetor Domnori kishte kryer të njëjtin veprim në festën e Trieshit, në malësinë e Tuzit, kur u vendos busti i heroit kombëtar Gjergj Kastrioti.

Irfan Domnori: Gjykatësja jep vendimin 10 ditë burg sepse është rast i përsëritur. Nuk di si mund ti vihet rast i përsëritur.

Një pyetje të drejtpërdrejtë e ka për kryeministrin Rama, se me cilin flamur do të shkojë në mini-shengenin Ballkanik, pasi ai kuq e zi ju arrestua dhe u përdhos në Mal të Zi, dy herë në pak javë.

Irfan Domnori: Me çfarë flamuri do të shkojë në mini shengenin ballkanik? Me këtë flamur që po të dënohet?

3 muaj të tjerë e ka të ndaluar të hyjë në Malin e Zi, shkodrani Irfan Domnori. Ai tregon se në burgun ku qëndroi kishte edhe të tjerë shqiptarë që mbaheshin me akuza qesharake.

Shfaq komentet
comments powered by Disqus
Sot mund të lexoni Shfletoni kopertinat