(E plotësuar 00:30) - Krimi në Shkodër – Motra erdhi nga Gjermania për pushime, u vra nga vëllai
Zbardhen të tjera detaje në lidhje me vrasjen në Shkodër, ku vëllai qëlloi me armë zjarri motrën e tij, duke e lënë të vdekur.
Mësohet se gruaja, Diana Vuka 58 vjeçe kishte ardhur për pushime në Shkodër, pasi jetonte në Gjermani.
Mbrëmjen e sotme (6 qershor) ajo u gjet pa shenja jete, ndërsa ishte qëlluar me armë zjarri. Autor i dyshuar është i vëllai i saj, Fabian Vuka, i cili u arrestua menjëherë nga policia.
Ndërkohë drejtori i policisë së Shkodrës ka deklaruar se “gruaja prej dy ditësh kishte humbur kontaktet me të afërmit e tjerë”. “Kjo ka bërë që të njoftohej policia, e cila ka shkuar në banesë dhe ka gjetur të vrarë me armë zjarri 58-vjeçaren”.
Ishte ora 22:30 minuta kur Diana Vuka u gjet e pajetë.
***
Një tjetër ngjarje e rëndë ka tronditur vendin këtë të dielë.
Burime për Top Channel bëjnë me dije se një person ka qëlluar me thikë motrën e tij, duke i shkaktuar asaj vdekjen e menjëhershme.
Viktima është identifikuar si Diana Vuka, ndërsa autori Fabian Vuka.
Ngjarja ka ndodhur në Shkodër, ne lagjen “3 Heronjte”, ne oret e vona te mbrëmjes se sotme.
Policia ka bërë te mundur kapjen dhe arrestimin e autorit të krimit, Fabian Vuka.
Grupi hetimor ndodhet ne vendngjarje dhe po heton për zbardhjen e plote te rrethanave te kësaj ngjarje të rëndë.
***
Ngjarja e rëndë ka ndodhur mbrëmjen e sotme në lagjen "Heronjtë" në Shkodër.
Mësohet se vëllai ka vrarë motrën e tij.
Mësohet se shtetasi F.B është prangosur pas vrasjes.
Akoma nuk dihen shkaqet e kësaj ngjarje të rëndë.