Një ditë pas dorëheqjes nga gara për kryetare bashkie në Shkodër, Voltana Ademi deklaron se nuk e njeh Lulzim Bashën si kryetar të PD-së. Teksa ndoqi nga afër procesin e votimeve paraprake në Shkodër, ajo tha se Shkodra e ka vuajtur shumë shitjen e votës.
“Ne do fitojmë bashkinë e Shkodrës, shikoni angazhimin e anëtarëve të Partisë Demokratike në këtë primare. Në krizë është Lulzim Basha. Unë nuk e njoh, nuk e di kush është Lulzim Basha tashmë”, u shpreh Ademi.
Ditën e sotme po zhvillohen votimet në 6 bashki, për të përzgjidhur kandidatët e Komisionit të Rithemelimit për zgjedhjet e pjesshme vendore që pritet të zhvillohen më 6 mars.
Janë gjithsej 22 emra që garojnë, por Komisioni i Rithelemimit do të nxjerrë vetëm 6 kandidatë. Në këtë proces mund të votojnë të gjithë anëtarët e Partisë Demokratike.
Këto votime nuk njihen nga kryetari i PD-së, Lulzim Basha.
