Arrest me burg për 5 të arrestuarit, trafikonin qënie njerëzore, emrat … - Bota Sot
Arrest me burg për 5 të arrestuarit, trafikonin qënie njerëzore, emrat …

Shkodra

E shtunë, 17 nëntor 2018

Arrest me burg për 5 të arrestuarit, trafikonin qënie njerëzore, emrat …

Më: 3 nëntor 2018 Në ora: 14:42
Shkodër

Gjykata e Shkodrës ka dhënë masën e sigurisë për 5 personat e arrestuar gjatë një operacioni të koduar  “GRE-HOT” në Shkodër, për veprat penale “Trafikimi i qenieve njerëzore” dhe “Ndihma për kalim të paligjshëm të kufirit”.

Gjykata vendosi masën arrest me burg 30 ditë për Ndue Ulaj, 33 vjeç, banues në fshatin Vrakë, Malësi e Madhe, Griseld Dekovi, 24 vjeç, banues në lagjen Dobraç, Shkodër, Gjokë Murçaj, 33 vjeç, banues në lagjen Partizani, Shkodër.

Ndërkohë që për Sajmir Karaj, 34 vjeç, banues në Tiranë dhe Florind Tole, 26 vjeç, banues në Tiranë gjykata vendosi lirimin e tyre përkundrejt garancisë pasurore.

Njoftimi i policisë

Nga strukturat e Drejtorisë Vendore të Policisë Shkodër në bashkëpunim me Prokurorinë e Rrethit Gjyqësor Shkodër, Drejtorinë e Forcës së Posaçme Operacionale Tiranë, pas një hetimi disa mujor u bë finalizimi me sukses i operacionit të koduar “GRE-HOT” ku në përfundim të këtij operacioni u arrestuan shtetasit:

Arrestimi i këtyre shtetasve u bë pasi gjatë hetimeve të zhvilluara nga ana e strukturave të Policisë, këto shtetas siguronin pritjen, transportimin dhe ambientet e akomodimit si hotele dhe shtëpi banimi për shtetasit e huaj të vendeve të treta, kryesisht sirianë, dhe bënin të mundur trafikimin e tyre nga territori i Republikës së Shqipërisë drejt Malit të Zi me destinacion përfundimtar vendet e BE-së.

Ky grup i strukturuar kriminal në trafikimin e qenieve njerëzore ushtronte aktivitetin nga shteti i Greqisë në qytetet Korçë- Elbasan- Tiranë- Lezhë- Shkodër- Malësi e Madhe dhe më pas kalimi në Malin e Zi.

Në cilësinë e provës materiale janë sekuestruar:

* 3 automjete, të cilët përdoreshin për transportimin e shtetasve të huaj.

* një sasi Euro të gjetura personave të arrestuar

*dhjetëra telefona celularë dhe karta SIM

Materialet iu referuan Prokurorisë së Rrethit Gjyqësor Shkodër për veprat penale “Trafikimi i personave te rritur” dhe “Ndihma per kalim te paligjshem te kufijve” parashikuar nga nenet 110/a dhe 298/3 të Kodit Penal.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test