Një bashkudhëtar ka marrë lëndime të rënda trupore në nëntë aksidente që kanë ndodhur gjatë ditës së djeshme në Shkup. Në tri aksidente më lehtë janë lënduar gjashtë persona, ndërsa në pesë aksidente është shkaktuar dëm material.
Nga SPB Shkup njoftojnë se dje policia e komunikacionit ka sanksionuar 57 vozitës që kanë drejtuar makinën me shpejtësi më të madhe nga ajo e lejuara, tetë vozitës që kanë kaluar udhëkryqin në të kuqe, dy vozitës nuk kanë dhënë përparësi këmbësoreve, një vozitës nuk ka dhënë leje vozitësit tjetër në udhëkryq, katër vozitës nuk kanë pasur pajisjet dimërore, tetë vozitës janë dënuar se nuk kanë pasur lidhur rripin e sigurisë dhe 23 vozitës për shfrytëzimin e telefonit gjatë drejtimit të automjetit.
Janë gjobitur edhe tetë këmbësorë që kanë kaluar korsinë në të kuqe.
Nga komunikacioni janë shkëputur 11 vozitës, nga ku katër vozitës kanë drejtuar automjetin nën ndikimin e alkoolit, pesë vozitës para se të kenë të drejtën për të drejtuar automjet dhe dy vozitës fillimtar si dhe gjashtë automjete të paregjistruara,
85 automjete janë parkuar në mënyrë jo të rregullt, ndërsa me ndihmën e automjetit special “merimanga”, janë bllokuar 71 automjete.
