Drislla nuk i pranon mbeturinat nga Struga - Bota Sot
Drislla nuk i pranon mbeturinat nga Struga

Shkupi

Drislla nuk i pranon mbeturinat nga Struga

Më: 26 janar 2019 Në ora: 17:24
Deponia Drislla

Deponia Drislla në Shkup nuk i pranon mbeturinat nga Struga. Mbeturinat edhe më tej do të grumbullohen në lokacionin ekzistues në hyrje të qytetit, edhe krahas premtimeve të fuqishme të kryetarit Ramiz Merko i cili disa herë doli me afate konkrete se problemi do të zgjidhet plotësisht. Nga deponia kryesore e Shkupit për televizionin Alsat deklaruan se as komuna e as ndërmarrja komunale e Strugës nuk ka kontaktuar me ta, por se këtë e ka bërë një kompani e caktuar.

Nga Ministria e ambientit jetësorë konfirmuam se komuna e Strugës ka kërkuar që mjetet e dedikuara për transportin e mbeturinave të ri-destinohen.

Për momentin, në këtë deponi është ndërtuar vetëm stacioni për ngarkimin dhe shtypjen e mbeturinës që deri më tani fare nuk është lëshuar në përdorim ndërsa janë blerë edhe kontejnerët e nevojshëm për transport. Pjesa më e madhe e deponisë është e mbuluar me dhe, por në këtë vend për çdo ditë sillen sasi enorme të mbeturinave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...