Dy grabitje kanë ndodhur gjatë ditës së sotme në Shkup.
Siç njoftojnë nga MPB, në orën 08:45 në polici është denoncuar se në bulevardin “AVNOJ”, dy persona prej të cilëve njëri me armë zjarri, e kanë sulmuar 57-vjeçarin të punësuar në një kazino dhe i kanë marrë para.
Ndërsa vjedhje tjetër ka ndodhur në orën 04:50, kur në SPB Shkup është denoncuar se në një pompë benzine në rrugën “Gjorçe Petrov”, një person e ka kërcënuar dhe i ka marrë para një të punësuari.
Nga MPB thonë se po marrin masa për të zbardhur të dy rastet.
