Për më shumë se një orë, Shkupi është i bllokuar.
Një aksident në afërsi të Qendrës Tregtare “Mavrovasja” ka bërë që të bllokohen të gjitha akset që kryqëzohen pranë kësaj qendre, me Pallatin e Gjykatave.
Nga pamjet mund të shihet se janë aksidentuar një makinë e llojit “Volvo” me targa të Gjermanisë si dhe një makinë “Polo” me targa të Shkupit. Përplasja ka qenë tepër e fuqishme, ndërkohë që nga informatat e para ende nuk është e qartë nëse ka viktima ose jo.
Bllokimi i kryqëzimit pranë Qendrës Mavrovasja ka bllokuar krejt itineraret ndërkohë që policia e rrugore ende nuk ka marrë masa për zhvendosjen e makinave të dëmtuara.
