Një shoferi i mopedit ka marrë lëndime të rënda trupore, ndërsa tetë persona janë lënduar më lehtë në shtatë aksidente trafiku, që kanë ndodhur gjatë ditës së djeshme në rajonin e Shkupit.
Sipas të dhënave të SPB Shkup, policia ka përjashtuar nga komunikacioni 19 shoferë të cilët kanë tejkaluar shpejtësinë, dy shoferë që kanë drejtuar makinat nën ndikimin e alkoolit, si dhe 17 shoferë pa leje për vozitje.
Gjithashtu janë gjobitur 11 shoferë për mos vendosjen e rripit të sigurisë dhe 12 të tjerë të cilët e kanë përdorur celularin gjatë vozitjes.
Janë gjobitur edhe 16 këmbësorë, të cilët e kanë kaluar rrugën në dritën e kuqe të semaforit.
