Ekipet e ndërmarrjes publike ‘Higjiena komunale – Shkup’ sot dezinfektuan Çarshinë e Shkupi.
Dezinfektimi u krye në të gjitha rrugët e brendshme dhe pjesë të çarshisë, duke përdorur automjetin e veçantë komunal për këtë qëllim.
“Në Çarshinë e Shkupit për çdo ditë ka vizitorë dhe kalimtarë të shumtë, kështu që në koordinim me Komunën e Çairit vendosëm që në këtë lokacion t’i zbatojmë këto masa dhe aktivitete të jashtë zakonshme, me qëllim që maksimalisht ta ngrisim nivelin e higjienës dhe pastërtinë në hapësirat publike, për të mbrojtur shëndetin e qytetarëve”, tha drejtori i ndërmarrjes publike ‘Higjiena komunale – Shkup”, Abdusamed Shabani.
