Shkup: Për një javë janë larguar 131 automjete të parkuara në mënyrë të parregullt

Shkupi

Shkup: Për një javë janë larguar 131 automjete të parkuara në mënyrë të parregullt

Më: 3 shtator 2020 Në ora: 12:05
Foto ilustrim

Gjatë javës së kaluar me automjetin special “karrotrec” janë larguar gjithsej 131 automjete nga sipëerfaqet publike.

“Nga numri i përgjithshëm i automjeteve të parkuara në mënyrë të parregullt, 17 janë larguar nga parkingjet zonale, ndërsa 114 automjetet e tjera janë larguar me urdhëresë të policisë së trafikut në bazë të shkeljeve të kryera: parkim në rrugë, në shteg biçikletash, në vendkalim për këmbësorë, në trotuar, në sipërfaqe të gjelbër në kundërshtim me shenjat e trafikut, si dhe pas thirrjes nga pala e tretë.

Kontrollorët e parkingjeve zonale në të njëjtën periudhë sanksionuan gjithsej 311 automjete, për shkak të parkimit të parregullt, më saktë, për mos pagesë të shërbimit për parkim. Nga këto, 17 automjete u larguan me shërbimin “karrotreci” për shkak të tejkalimit të kohës së lejuar për qëndrim në parking.

Qyteti i Shkupit dhe ndërmarrja publike “Parkingu i Qytetit” apelojnë te qytetarët që ta ruajnë gjelbërimin dhe sipërfaqet tjera publike, dhe automjetet e tyre t’i parkojnë vetëm në parkingjet e përcaktuara.

” U bëjmë thirrje të gjithë përdoruesve të shërbimeve të parkimit që në kohë ta rregullojnë pagesën e shërbimit të parkimit, në mënyrë që të mos sanksionohen dhe të mos u vendosen bllokatorë në gomat e automjetit. Pagesa për shërbimin e parkimit mund të bëhet përmes SMS porosisë.

Shfaq komentet
comments powered by Disqus
Sot mund të lexoni Shfletoni kopertinat