Sektori për Punë të Brendshme Shkup informon se ka ngritur kallëzim penal ndaj 31 vjeçares nga Shkupi, nën dyshimin për kryerjen e veprës penale “shantazh”.
Nga MPB thonë se ajo dyshohet se ka shantazhuar 59 vjeçarin D.I. nga Shkupi se në rrjetet sociale do të publikoj fotografi dhe video material me përmbajtje komprometuese, derisa nuk i jep të holla.
“Pas masave të ndërmarra nga zyrtarët policorë në koordinim me Prokurorinë Themelore Publike-Shkup, autorja është privuar nga liria, ndërsa gjatë bastisjes janë gjetur një pjesë e të hollave që i ka marr nga personi i dëmtuar në këtë rast”, thonë nga MPB.
