Bashkia e Shkupit: U pastrua plotësisht deponia e paligjshme në bregun e lumit Vardar në komunën e Gazi Babës

Shkupi

Bashkia e Shkupit: U pastrua plotësisht deponia e paligjshme në bregun e lumit Vardar në komunën e Gazi Babës

Më: 25 janar 2022 Në ora: 22:16
Foto ilustrim

Ekipet e Bashkisë së Shkupit sot kanë përfunduar me pastrimin e plotë të deponisë në bregun e lumit Vardar në Komunën e Gazi Babës.

Sipas Bashkisë së Shkupit umblodhën mbi 4.000 metra kub mbetje komunale dhe ndërtimore që ndotnin çdo ditë mjedisin dhe kërcënonin shëndetin e banorëve të kësaj komune.

Ata shtojnë se po punojnë me intensitet në pastrimin e deponive në lagjen Lisiçe, Novo Selo në komunën Gjorçe Petrov, si dhe pastrimin e plotë të deponisë së paligjshme në vendbanimin Bërnjarci, në komunën e Gazi Babës.

“Pastrimi i të gjitha deponive të paligjshme në Shkup është prioritet, me qëllim parandalimin e ndotjes së ajrit, truallit, ujërave dhe mbrojtjen e shëndetit të qytetarëve. Inkurajojmë qytetarët të përfshihen në këtë aksion të Qytetit, duke denoncuar deponi të paligjshme, por mbi të gjitha, të jemi qytetarë të ndërgjegjshëm të cilët sillen me përgjegjësi ekologjike dhe kujdesen për qytetin e tyre dhe mjedisin”, thuhet në fund.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat