Gjobiten 223 shoferë në Shkup, 35 për drejtim të automjeteve nën ndikimin e alkoolit

Shkupi

Gjobiten 223 shoferë në Shkup, 35 për drejtim të automjeteve nën ndikimin e alkoolit

Më: 5 qershor 2022 Në ora: 10:43
Foto ilustrim

Gjithsej 223 masa janë shqiptuar dje nga policia gjatë kontrolleve të intensifikuara në komunikacion në Shkup.

Prej tyre 24 janë për tejkalim të shpejtësisë, 25 për drejtim të automjetit pa patentë shoferë dhe 67 kundërvajtje të kryera nga motoçiklistë.

Sipas MPB-së, dy masa janë shqiptuar për përdorim të celularit, 35 për drejtim automjetit nën efektin e alkoolit, pesë për kalim në semafor të kuq, 16 për automjete të paregjistruara, si dhe nëntë për shofer fillestar.

Nga MPB thonë se edhe në ditët në vazhdim do të ketë kontrolle të intensifikuara.

Nga MPB u bëjnë thirrje qytetarëve që të respektojnë rregullat dhe rregulloret e komunikacionit për të rritur sigurinë në komunikacion dhe së bashku të kontribuojmë për rrugë më të sigurta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat