Taksistët në Shkup do t’i ndryshojnë çmimet, në funksion tre tarifa të reja

Shkupi

Taksistët në Shkup do t’i ndryshojnë çmimet, në funksion tre tarifa të reja

Më: 28 korrik 2022 Në ora: 09:27
Ilustrim

Këshilli i Qytetit të Shkupit, me kërkesë të kompanive dhe shoqatave të taksive, ka marrë vendim për ndryshimin dhe plotësimin e Vendimit për transport me autotaksi të udhëtarëve në zonën e qytetit të Shkupit, të mbështetur nga pothuajse të gjitha grupet e këshilltarëve.

“Me këtë vendim vendosen në funksion tre tarifa për llogaritjen e çmimit të transportit me autotaksi, ndër të cilat kompanitë do të mund të vendosin vetë se me cilën tarifë do të llogaritin çmimin e transportit, pavarësisht çmimit të karburantit”, njoftojnë nga Qyteti i Shkupit.

Sipas vendimit të ri, tarifa 1 do të jetë 40 denarë për startin, 25 denarë për çdo kilometër të kaluar dhe 300 denarë për pritjen në vend për një orë.

Për tarifën 2 çmimet do të jenë 50 denarë startin, 30 dhe 420 denarë, me të njëjtën rënditje, ndërsa për tarifën 3 çmimet do të jenë 60 denarë startin duke filluar nga 35 denarë për kilometër dhe 420 denarë në vend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat