Një veturë “Opel Astra” me targa të Shkupit mbrëmë është djegur plotësisht nga zjarri. Ngjarja fatkeqe ka ndodhur në bulevardin “Koço Racin” afër shkollës fillore “Dimitar Milladinov” në qendër të Shkupit.
“Në vendngjarje kanë menjëherë ka dal policia, ku është konstatuar se personi T.S. (21), derisa ishte duke drejtuar veturën “Opel Astra”, nga poshtë ka filluar të dilte tym, e më pas brenda një kohe të shkurtër automjeti është djegur plotësisht”, njoftojnë nga MPB.
Përveç dëmeve materiale, nuk ka të dhëna për të lënduar të mundshëm.
Zjarri është lokalizuar nga Brigada e Zjarrfikësve të Qytetit të Shkupit.
