Kreu i opozitës greke Kyriakos Mitsotakis ka dërguar një mesazh në adresë të qeverisë shqiptare, duke thënë se Shqipëria hyn në BE duke respektuar grekët.
Kreu i partisë ‘Demokracia e Re’ u shpreh se anëtarësimi i Shqipërisë në BE është i lidhur ngushtë me respektimin e minoritetit grek, një mesazh ky i cili nuk artikulohet për herë të parë nga opozita greke.
"Rruga e Shqipërisë drejt BE-së dhe institucioneve evropiane lidhet me respektimin e minoritetit grek. Ne gjithmonë do të jemi pranë të drejtave të patjetërsueshme të pakicës greke’, u shpreh Mitsotakis.
Deri më tani nuk ka një reagim nga pala shqiptare për mesazhin “kërcënues” të Mitsotakis.
