Studentja Gresa Hasa u përfshi në debate me avokatin Genc Gjokutaj dhe gazetarin Bejdo Malo në studion e "360 Gradë", ndërsa ky i fundit tha se Organizata Politike që mbështet protestën synon krijimin e një partie politike.
Pjesë nga debati:
Hasa: Studentët kanë folur dhe kanë folur qartë. Një pjesë e mirë refuzojnë t'i dëgjojnë studentët.
Gjokutaj: Ti ke ardhur këtu me shkrim të përgatitur këtu.
Hasa: Sigurisht kam ardhur e përgatitur për protestën. Ky padronizimi është tipike nëpër studio. Studentët kanë folur qartë. Ata ia kanë dalë që prej ditës së parë të protestës të qëndrojnë të bashkuar. Problemi është se protesta nuk ka një kokë apo që kryeministri është arrogant.
Malo: Ti flet dy orë. Ata kanë vajtur në Vlorë për të krijuar parti.
Hasa: Ti po thua një gjë të pavërtetë. Unë jam pjesë e Lëvizjes për Universitetin. Aktivistët kanë qenë aty së bashku me studentët e tjerë.
