Nisin punimet në autostradën Tiranë-Durrës, devijohet trafiku - Bota Sot
Nisin punimet në autostradën Tiranë-Durrës, devijohet trafiku

Shqipëria

Nisin punimet në autostradën Tiranë-Durrës, devijohet trafiku

Më: 29 dhjetor 2018 Në ora: 19:05
Pamje nga punimet

Autoriteti Rrugor Shqiptar dhe Policia e Qarkullimit Rrugor në një deklaratë të përbashkët, deklarojnë se kanë filluar ndërhyrje emergjente për ndërtimin e dy (2) tombinove rrethore në segmentit rrugor (autostrada) Tirane – Qafë Kashar (Kthesa e Rinasit).

Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se duke nisur nga dita e diel (datë 4 Janar 2019 ora 05:00 në mëngjes), në kuadër të projektit të mirëmbajtjes me performancë të Bankës Botërore, do të fillojë ndërhyrja emergjente për përmirësimin e situatës së përmbytjeve me ndërtimin e dy (2) tombinove në segmentin rrugor, autostrada Tiranë–Qafë Kashar (kthesa Rinas) në kilometrin 6+600 dhe 6+800 (Kastrati & Alba-Elettrica).

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë segment rrugor dhe respektimin në mënyrë rigoroze sinialistikën provizore të vendosur dhe udhëzimet e policisë rrugore në terren.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe për të garantuar mbarëvajtjen e punës në terren.

“Për këtë arsye gjatë kohës së kryerjes së këtyre punimeve: Autostrada Tiranë–Durrës në segmentin Mbikalimi Kamëz – mbikalimi Qafë Kashar – Rinas do të mbyllet plotësisht për trafikun në të dyja drejtimet e lëvizjes. Trafiku do të devijohet për të gjitha mjetet në rrugën dytësore, të cilat do të funksionojnë me një drejtim lëvizje. Rekomandojmë përdoruesit e rrugës që gjatë kësaj kohe të zgjedhin rrugë alternative për lëvizjet në drejtim të veriut (nga Kamza) dhe në drejtim të jugut (nga Ndroqi ose Elbasani)”, shprehet ARRSH.

Punonjësit e Autoritetit Rrugor Shqiptar, Policisë së Qarkullimit Rrugor dhe firmave të mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar dhe të shfaqur në media. ATSH

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...