Bukë dhe një sobë për tu ngrohur. Kaq pak kërkon një familje me 5 anëtarë në Bllacë të Pogradecit. Fëmijët e vegjël të familjes Mimini presin një babagjysh që të plotësojë dëshirat e tyre që në fakt janë nevoja të përditshme.
Vajza e vogël e familjes së Urim Miminit në Bllacë të Pogradecit me të drejtë kërkon lodra si dhuratë.
Por vëllai më i rritur duket se i kupton hallet e shtëpisë dhe dëshirën e vetme e ka më elementare
"Do doja bukë që të hamë"
Pamundësia për të plotësuar dëshirat e fëmijëve e bën të qajë babanë.
"Ku hamë ku nuk hamë"
31 dhjetori nuk është festë në këtë familje, është thjeshtë një ditë tjetër në luftën për mbijetesë me barrën e varfërisë së tejskajshme.
3400 lekë ndihmë ekonomike, nuk mundet tu ofrojë shumë
"As për bukë nuk dalin ato"
Familja me 5 anëtarë jeton në këtë shtëpi të rrënuar nga jashtë e brenda.
Faqet dhe duart e kuqe të Inës 2 vjeçare tregojnë se familja nuk e ka as një sobë për tu ngrohur në këto ditë të ftohta.
Apeli shkon për të gjithë! Ndoshta dikush do të bëhet për Inën Babagjyshi i Vitit të Ri.
