Temperaturat tejet të ulëta dhe reshjet e shumta të dëborës e kanë kthyer autostradën Shkodër Hani i Hotit në një pistë “skijimi”.
Gjendja e rënduar e aksit rrugor ka bërë që të ketë një sërë problemesh për qarkullimin e makinave. Sipas raportimeve të deritanishme, kalimi i makinave është bllokuar tek mbikalimi në afërsi të fshatit Vrakë.
Po pritet ndërhyrja e borëpastruesve për të hapur rrugën nga dëbora e akujt si dhe kriposja e saj, në mënyrë që të nisë qarkullimi normal i mjeteve.