Brati dhe Zeneli dalin para KPA-së, dyshimet për pasurinë - Bota Sot
Brati dhe Zeneli dalin para KPA-së, dyshimet për pasurinë

Shqipëria

Brati dhe Zeneli dalin para KPA-së, dyshimet për pasurinë

Më: 12 janar 2019 Në ora: 06:12
Brati dhe Zeneli

Komisioni i Posaçëm i Apelimit ka vendosur datat e seancave të rivlerësimit të dy gjyqtarëve të shkarkuar nga Vettingu pasi kishin probleme me justifikimin e pasurisë. KPA ka vendosur datën 5 shkurt për seancën e rivlerësimit për gjyqtaren e Gjykatës së Tiranës, Alma Brati.

Trupi gjykues për këtë çështje përbëhet nga kryesuese: Natasha Mulaj; relatore: Rezarta Schuetz dhe anëtarë: Albana Shtylla, Ina Rama, Luan Daci. Brati u konfirmua në detyrë më 5 korrik, por vendimi i KPK-së, u ankimua nga KPA për shkak të dyshimeve lidhur me pasurinë e gjyqtares. Ndërsa më datë 04 shkurt, KPA ka vendosur seancën e rivlerësimit të Artan Zenelit.

Trupi gjykuese e kësaj çështjeje përbëhet nga kryesuese: Rezarta Schuetz; relatore: Ardian Hajdari dhe anëtarë: Albana Shtylla, Ina Rama, Natasha Mulaj. Gjyqtari i Gjykatës së Lartë u shkarkua më 18 maj pasi në 10 vite ai kishte siguruar pothuajse 50 milionë lekë të reja pasuri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...