Kryemadhi flet për Shqipërinë, Nora Malaj shpërthen në lot në konventën e LSI - Bota Sot
Kryemadhi flet për Shqipërinë, Nora Malaj shpërthen në lot në konventën e LSI

Shqipëria

Kryemadhi flet për Shqipërinë, Nora Malaj shpërthen në lot në konventën e LSI

Më: 12 janar 2019 Në ora: 12:56
Monika Kryemadhi

Fjala e saj hyrëse në Konventën Kombëtare të Lëvizjes Socialiste për Integrim, ishte mjaft emocionuese, për vet tonin e fortë që shoqëroi zërin e Monika Kryemadhit, por edhe fjalët e saj patriotike për Shqipërinë, për të ardhmen e vendit, rininë.

Emocionuese dhe përlotëse ishin për Nora Malajn, e cila e ulur në ambientet e Pallatit të Sportit "Asllan Rusi" ku u mbajt Konventa. 

Kryemadhi, ndërsa u zotua se LSI kurrë nuk do tradhtojë Shqipërinë, emocionoi gratë LSI-iste të cilat shpërthyen në lot.

Në fjalën e saj Kryemadhi po fliste për historikun e vendit tonë dhe se si i ka rezistuar pushtuesve dhe mesa duket këto fjalë e kanë prekur Malajn, e cila nuk i ka përmbajtur lotët.

Nora Malaj nuk ka mbajtur dot lotët kur kryetarja e LSI tha se partia e saj do luftojë për Shqipërinë, siç lufton për shtëpinë.

“Partia jonë është ajo parti që asnjë moment s’do tradhtojë gjakun e mijëra grave dhe burrave për Shqipërinë e lirë dhe krenare. Kjo parti nuk do tradhtojë flamurin krenar edhe pse qeveria e rilindjes dhe krimit kërkon që t’i ulë kokën.

Ne nuk tradhtojmë Shqipërinë, atdheun tonë, atë vend që na ka bërë krenarë, që ka mbijetuar me mijëra vite, me shekuj përballë tradhtarëve dhe atyre që kanë përdhosur flamurin tonë. Ashtu siç luftojmë për shtëpinë tonë do luftojmë për Shqipërinë tonë”, tha Kryemadhi.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...