Në bashkinë e Kukësit rrugët që lidhin fshatrat e njësive administrative janë të hapura dhe qarkullimi i mjeteve bëhet me zinxhirë.
Sipas bashkisë, rrugët e njësive administrative Bicaj, Shtiqen, Terthore e Kolsh janë të hapura dhe qarkullimi vazhdon normalisht.
Rrugët e Njësive Administrative Kalis, Grykëcajë, Bushtricë, Ujmisht, Surroj, Malzi, Shishtavec, Topojan e Zapod janë të hapura dhe qarkullimi kryhet me zinxhirë, ndërsa e bllokuar vazhdon të jetë njësia administrative Arren.
Puna vazhdon për hapjen e rrugëve të fshatrave Vile, Shpat, Barruç, Turaj, Cernaleve, Tejdrine e Skavice.
Bashkia bën të ditur se procesi mësimor është zhvilluar normalisht dhe nuk ka probleme sa i përket ngrohjes, ndërsa të gjitha shkollat janë të furnizuara me dru zjarri.
Furnizimi me ujë të pijshëm dhe energji elektrike ka qenë i rregullt, veç njësisë administrative Arren ku ka mungesë të energjisë elektrike. /ATSH