Policia e Shtetit do të nisë në 1 shkurt procedurat për rekrutimin e 100 studentëve që kanë përfunduar universitetin.
Ministria e Brendshme ka publikuar edhe kriteret e përzgjedhjes së kandidatëve.
-.mesatarja e notave mbi 8;
- nivel i mirë i gjuhës angleze, që do të verifikohet me provim;
- kondicion trupor dhe fizik i përshtatshëm.
Pranimi do të bëhet nga degët jurisprudencë, ekonomi, financë, informatikë dhe elektronikë.
Kandidatët duhet të kenë përfunduar studimet në nivelin master.
"Kjo hapje e Policisë për të marrë studentë të ekselencës bëhet pas ndryshimeve në ligjin për Policinë e Shtetit. Hapja synon afrimin e kapaciteteve profesionale për strukturat e hetimit të policisë kriminale", thuhet në njoftimin e Ministrisë së Brendshme.
