Dy prindër me aftësi të kufizuar kanë sjellë në jetë një foshnje. Ministrja e Shëndetësisë, Ogerta Manastirliu ka vizituar nga afër çiftin në maternitetin "Koço Gliozheni" në Tiranë, ku gruaja ka kaluar një pjesë të muajve të shtatzënisë për shkak të komplikacioneve.
Postimi i plotë i Manastirliut:
Jetë të gjatë El’Ana!
Pesë muaj më parë më shkroi Gëzimi, me dëshirën dhe forcën për ta çuar deri në fund ëndrrën e tij dhe të Zenepes për t’u bërë prindër.
Ata janë sot dy prindër të rinj me aftësi ndryshe, që me forcën e jashtëzakonshme të shpirtit dhe trupit kurorëzuan ëndrrën e tyre të madhe për të sjellë në jetë një fëmijë.
E quajtën El’Ana, sepse siç thonë ata, Zoti na u përgjigj!
Bravo ekipit të mjekëve të Maternitetit “Koço Gliozheni” për përkushtimin dhe ekspertizën e pashoqe për të realizuar dhe finalizuar me sukses një rast delikat, shumë të vështirë!
Kjo është historia juaj e suksesit!
