E ftuar në emisionin “Dritare me Rudinën” në News 24, Elona Demollari, drejtoresha e burgut të grave në ‘Ali Dem’, ka komentuar se sa ndryshe trajtohet një femër me një mashkull, kur ndodhet prapa hekurave.
Demollari tha se nëse një mashkull i burgosur ka rreth 70 vizita në ditë, me një femër ndodh krejt e kundërta, madje ka raste kur ajo braktiset nga familja.
Ajo shton se në shoqërinë shqiptare burgosja e një femre është një turp.
“Nëse në burg meshkujt kanë rreth 70 takime nga familjaret, në burgun e grave ka rreth 7 takime. Femrat braktisen nga familje. Shqiptaret jane mesuar me shprehjen “burgu eshte per burrat”. Nëse një burrë hyn në burg, nëna, gruaja, motra gatuajnë, ndërsa kur hyjnë femrat i ka turpuruar”, u shpreh ajo.
