Basha paralajmëron sistemin bankar: Mos financioni PPP-të, do anulohen të gjitha - Bota Sot
Basha paralajmëron sistemin bankar: Mos financioni PPP-të, do anulohen të gjitha

Shqipëria

Basha paralajmëron sistemin bankar: Mos financioni PPP-të, do anulohen të gjitha

Më: 1 shkurt 2019 Në ora: 11:43
Lulzim Basha

Kreu i PD, Lulzim Basha ka paralajmëruar sistemin financiar bankar që mos financojnë PPP e lidhura nga qeveria. Në fjalën e tij në prezantimin e programit ekonomik të PD, Basha tha se këto koncesione janë korruptive dhe janë marrë nga një grusht oligarkësh.

Basha: Këtë vit sipas projeksioneve të institucioneve të besueshme ekonomike kombëtare dhe ndërkombëtare, ky grusht oligarkësh bëhet gati të hedhë 1. 5 mld euro në projekte fantazmë. Projekte që pastaj duhet të financohen nga buxheti i shtetit, nga paratë e qytetarëve shqiptarë. Dua ti bëj thirrje atyre drejtpërdrejt dhe sistemit financiar bankar, të ndalë menjëherë këtë marrëzi. Dua ti paralajmëroj se asnjë prej kontratave të lidhura me qeverinë korruptive të Edi Ramës nuk do të zbatohet. Dua ti paralajmëroj, veçanërisht dua të paralajmëroj sektorin bankar mos t'i futet kësaj aventure, sepse do të ketë pasoja të rënda. Nëse ne gjendemi përpara një zgjidhje, të financojmë këto kontrata korruptive dhe të lëmë pensionistët pa pensione, vogëlushët pa ngrohje, shëndetësinë në kolaps, të jeni të sigurt që zgjidhja jonë është e qartë dhe e vendosur, do të falimentojmë shpurën e oligarkëve dhe jo Shqipërinë dhe shqiptarët. Ndaj ju bëj thirrje institucioneve financiare mos bëhen pjesë e kësaj piramide nëse nuk duan që kjo piramidë ti marrë me vete. Çdo kontrate koncesionare, PPP e lidhur me këta oligarkë gjithësecila prej tyre nga e para tek e fundit do të shfuqizohen. Ky nuk është kërcënim, nuk është premtim, ku është vendim dhe ne do ta bëjmë realitet.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...