PD nis protestat në rrethe/ Tubim në Burrel, demokratët: Rama, armik i popullit, duhet të largohet

Shqipëria

PD nis protestat në rrethe/ Tubim në Burrel, demokratët: Rama, armik i popullit, duhet të largohet

Më: 2 shkurt 2019 Në ora: 11:25
Protesta e demokratëve në Burrel

Partia Demokratike ka nisur protestat në rrethe nga Burreli ditën e sotme, ndërsa në datë 16 shkurt do të zhvillohet tubimi para Kryeministrisë. Të organizuar nga partia Demokratike, një grup qytetarësh të Burrelit marshuan për 30 minuta në këmbë për të protestuar në kryqëzimin e Urës së Matit, në dalje të qytetit.

Ata bllokuan për disa minuta rrugën nacionale në shenjë proteste ndaj qeverisë që sipas tyre po e varfëron gjithnjë e më shumë qytetarin shqiptar. Sipas demokratëve, rritja e çmimeve, papunësia, largimi i të rinjve jashtë vendit, falimentimi i bizneseve dhe infrastruktura e munguar janë disa nga arsyet që i kanë nxjerrë në protestë.

Sipas partisë Demokratike, kjo është protesta e parë që starton tubimet në rrethe, për të kulmuar me protestën e madhe me 16 shkurt në Tiranë. Ndërkohë që Basha sot bëri thirrje nga Ballshi për pjesëmarrje në protestën e 16 shkurtit në Tiranë.

commentFirst article
Sot mund të lexoni Shfletoni kopertinat