Kryetari i Grupit Parlamentar të LSI-së, Petrit Vasili në një konferencë për mediat është shprehur se Transparency International dhe OSBE i kanë vënë vulën korrupsionit të qeverisë Rama. Numri 2 i LSI-së u shpreh se nga deklaratat e ndërkombëtareve shihet qartë se nga viti 2017 korrupsioni në vend ka ardhur në rritje dhe për këtë bëri përgjegjës kreun e qeverisë Edi Rama.
Vasili: Ambasadori Boschard thotë shprehimisht: mungesa e progresit në luftën kundër korrupsionit mbetet nga problemet më serioze, prirja negative në rastin e Shqipërisë është shqetësuese, pasi përmbys përmirësimin në perceptimin e korrupsionit mes viteve 2013-2016”.
Shprehet qartë OSBE në Tiranë, që prirja u përmbys në vitin 2017 dhe u përkeqësua në vitin 2018. Pra, timoni dhe tepsia e Edi Ramës po zhyt gjithmonë e më thellë në korrupsion vendin.
