Kryetari i Kuvendit, Gramoz Ruçi dhe kryetari i grupit të Partisë Socialiste, Taulant Balla u pritën në një takim pune në Gjermani nga Presidenti i Bundestagut, Wolfgang Schäuble.
Gjatë bashkëbisedimit palët kanë rikonfirmuar mbështetjen e Gjermanisë për çeljen e negociatave për Shqipërinë.
“Bundestagu ndjek nga afër progresin e Shqipërisë për reformat”, është shprehur Wolfgang Schäuble.
Nga ana e tij, Kryeparlamentari Ruçi tha se, Shqipëria është e vendosur për agjendën e reformave për integrimin.
“Reforma në Drejtësi, lufta kundër krimit dhe korrupsionit, janë prioritetet tona”, tha Ruçi.