Zv.kryeministri Erjon Braçe ka shpërthyer në akuza dhe ofendime të rënda ndaj deputetëvëe të opozitës, të cilët i ka quajtur “pisa”, e veçanërisht ndaj Sali Berishës e Lulzim Bashës, të cilëve u ka kujtuar 21 janarin e vitit 2011.
Braçe është shprehur se është turp të dëgjosh anëtarë të opozitës të flasin për SPAK-un, kur ata do të jenë të parët që do të duhet të shkojnë me këmbët e veta përballë drejtësisë për t’u përballur me pushkatimin e 4 personave në bulevard (21 janarin)
“Do doja që të lusja të gjithë ata pisa që nga foltorja e Kuvendit të marrin kurajon dhe ti drejtohen socialistëve të ndershëm. Qepeni! Krimet barbare nga viti ‘92, ‘96, ‘97 me kriminelë që dilnin nga burgjet dhe në 21 janar në mes të bulevardit, duhet t’iu bëjnë jo vetëm të keni turp, por të largoheni dhe të mos ktheheni më. Ju që përmendni Byronë e Hetimit dhe SPAK, ju duhet të shkoni vetë para tyre, për pushkatimin e katër njerëzve pa gjyq më 21 janar…. Zgjidhja politike është vetëm vota! Doni ta digjni bulevardin? Digjeni! Aty e keni! Ja keni marrë dorën! Por mos harroni përballjen me ligjin”-tha Braçe.
