Fier, pezullohen 3 mjekë. Kërkohet drejtësi për vdekjen e 43-vjeçarit - Bota Sot
Fier, pezullohen 3 mjekë. Kërkohet drejtësi për vdekjen e 43-vjeçarit

Shqipëria

Fier, pezullohen 3 mjekë. Kërkohet drejtësi për vdekjen e 43-vjeçarit

Më: 8 shkurt 2019 Në ora: 10:17
Foto Ilustrim

Vdekja e një 43-vjeçari ka pezulluar nga detyra dy mjekë të Repartit të Urgjencës në Spitalin Rajonal të Fierit, ndërsa një tjetër ka marrë masën e detyrimit të paraqitjes.

Vendimi i Gjykatës së Fierit për mjekët Blendi Dhespollari, Emiljano Myrtaj dhe kardiologun Viktor Gjini, ka ardhur pas ankesës drejtuar Prokurorisë së Fierit nga familjarët e Besnik Ramaj, i cili ndërroi jetë më 23 dhjetorin e kaluar.

Atë ditë, 43-vjeçari është paraqitur në Urgjencën e Spitalit Rajonal të Fierit në gjendje jo të mirë shëndetësore. Pasi ka marrë ndihmën mjekësore në Repartin e Urgjencës, mjekët e këshilluan që të shtrohet për kurime të mëtejshme.

Familjarët fajësojnë mjekët për humbjen e jetës së 43-vjeçarit. Më 31 dhjetor, ata iu drejtuan Prokurorisë duke kërkuar zbardhjen e shkaqeve të vdekjes. Pas shqyrtimit të kartelës mjekësore, në fillim të muajit shkurt gjykata mori vendimin për 3 mjekët, me akuzat “Mjekim të pakujdesshëm” dhe “Mosdhënie të ndihmës”.

Mes pikëllimit për humbjen e të birit, i ati i 43-vjeçarit thotë se nuk janë lajmëruar në kohë, ndërsa për transferimin drejt Tiranës i është kërkuar që ta mbante ai përgjegjësinë. Sipas nënës së 43-vjeçarit, shkaktar për vdekjen e të birit është qëndrimi i gjatë në Urgjencën e Spitalit të Fierit.

Prindërit kërkojnë të zbardhet e vërteta e vdekjes së djalit të tyre, i cili ishte edhe baba i 3 fëmijëve.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...