'Makthi' i Fierit dhe Vlorës, goditet grupi i grabitësve, një në pranga, dy në kërkim

Shqipëria

'Makthi' i Fierit dhe Vlorës, goditet grupi i grabitësve, një në pranga, dy në kërkim

Më: 8 shkurt 2019 Në ora: 10:28
Foto Ilustrim

Një 40-vjeçar nga Vlora është arrestuar nga policia, ndërsa dy të tjerë janë shpallur në kërkim, pasi akuzohen për një vjedhje në aksin rrugor Levan-Tepelenë.

I arrestuari është A.M. 40 vjeç, ndërsa në kërkim janë A.H dhe E.V. Ata akuzohen se në bashkëpunim me njeri tjetrin, në aksin rrugor Levan-Tepelenë, kanë vjedhur dyqanin në pronësi të K.Ç.

Gjithashtu, policia po punon për dokumentimin e rasteve të tjera pasi këta persona janë të dyshuar edhe për disa vjedhje në zonën e Fierit dhe Vlorës. Materialet i kaluan Prokurorisë pranë Gjykatës së Shkallës së Parë Fier për veprën penale "Vjedhje e kryer në bashkëpunim".

Sot mund të lexoni Shfletoni kopertinat