Prej javësh vijon hapja e zyrave të aplikimit për kartat e identitetit ditët e shtuna duke bërë të mundur pajisjen e qytetarëve të cilëve nga janari i këtij viti deri në qershor i skadonin
Në disa qytete të vendit zyrat për aplikimin e kartave të identitetit do të jenë të hapura edhe këtë të shtunë. Ministria e Brendshme ka njoftuar se shkak është fluksi i aplikimeve për karta ID është vendosur hapja e zyrave të aplikimit në ndihmë të qytetarëve edhe këtë fundjavë. Ka qenë Drejtoria e Përgjithshme e Gjendjes Civile e cila ka urdhëruar në kuadër të përballimit të fluksit hapjen e zyrave në qytetet kryesore të vendit si Berat, Durrës, Elbasan, Fier, Lushnje, Korçë, Shkodër, Kamëz dhe Vlorë.
Prej javësh vijon hapja e zyrave të aplikimit për kartat e identitetit ditët e shtuna duke bërë të mundur pajisjen e qytetarëve të cilëve nga janari i këtij viti deri në qershor i skadonin. Rreth 1.4 milion karta identiteti skadonin brenda dhe kjo mund të çonte në rrezikim të zgjedhjeve parlamentare më 30 qeshor, ndërkohë pak kohë më parë afati për skadimin e kartave të këtyre njerëzve u shty deri në 31 dhjetor të këtij viti.
