Për ata që nuk durojnë të ftohtin, nuk ka lajme të mira sa i përket temperaturave. Nga dita e nesërme vendi do të përfshihet nga i ftohti.
Sipas Meteoalb, e hëna mbetet me temperatura të larta, por me reshje shiu deri në mbrëmje kur dëbora shfaqet në pjesën më të madhe të zonave malore.
E marta sjell rënie të ndjeshme të temperaturave dhe vijojnë reshjet e dëborës në Lindje – Juglindje.
E mërkura dhe deri në fundjavë, sjellin mot të kthjellët por shumë të ftohtë; temperaturat e natës dhe mëngjesit ulen deri 10°C nën ZERO, ndërsa gjatë mesditës maksimumi do të ngjitet deri 12°C.
