Tre zv.ministrat shqiptarë të mbrojtjes bëjnë shqiponjën në Tiranë

Shqipëria

Tre zv.ministrat shqiptarë të mbrojtjes bëjnë shqiponjën në Tiranë

Më: 11 shkurt 2019 Në ora: 16:22
Petro Koçi, Bekim Maksuti dhe Burim Ramadani

“Shqiponja” mbërrin në Tiranë, aty ku tre zv.ministra shqiptarë të Mbrojtjes nga tre vendet e Ballkanit kanë zhvilluar një takim mes tyre, në funksion të ecurisë së mëtejshme të bashkëpunimit mesd vendeve te rajonit.

Shqiptarët janë shfaqur gjithnjë e më bashkëpunues me njëri tjetrin, teksa FSK po shndërrohet në ushtri në Kosovë dhe Maqedonia e Veriut po anëtarësohet me të drejta të plota në NATO.

Takimi vëllazëror është zhvilluar sot në zyrën e Petro Koçit, ku tre zv.ministrat shqiptarë të Mbrojtjes, përkatësisht të Shqipërisë, Kosovës dhe Maqedonisë së Veriut kanë diskutuar për bashkëpunimin e mëtejshëm të tre vendeve në fushën ushtarake.

Zv.ministri i Mbrojtjes së Shqipërisë Petro Koçi, zv.ministri i Mbrojtjes së Maqedonisë së Veriut Bekim Maksuti dhe zv.ministri i Mbrojtjes së Kosovës Burim Ramadani, kanë vlerësuar fort kooperimin dhe mbështetjen mes vendeve respektive në funksion të paqes dhe stabilitetit në rajon dhe më gjërë.

Sot mund të lexoni Shfletoni kopertinat