Kuvendi i Shqipërisë ka ratifikuar protokollin për pranimin e Maqedonisë së Veriut në NATO. Lidhur me këtë ka reaguar Presidenti i vendit, Ilir Meta i cili shprehet se prezenca e Kryetarit Xhaferi e nderoi këtë votë solemne.
“Krenar për rolin kyç që luajnë shqiptarët në këto vendimmarrje jetike për Republikën e Maqedonisë së Veriut dhe për të gjithë rajonin”, më të sigurtë dhe më të fortë sëbashku në NATO”, shkruan mes të tjerash Meta.
Postimi i plotë i Presidentit Meta
E duartrokas votimin unanim nga Kuvendi të Protokollit të Anëtarësimit të Republikës së Maqedonisë së Veriutnë #NATO! Prezenca e Kryetarit Xhaferi e nderoi këtë votë solemne.
Vizioni dhe vendosmëria politike për t’i hapur rrugën europiane dhe euro-atlantike vendit meriton vlerësimin më të lartë dhe mikpritjen më të ngrohtë në familjen Trans-Atlantike! Krenar për rolin kyç që luajnë shqiptarët në këto vendimmarrje jetike për Republikën e Maqedonisë së Veriut dhe për të gjithë rajonin!
Më të sigurtë dhe më të fortë së bashku në NATO!
