Policia kufizon vendin e protestës, reagon PD - Bota Sot
Policia kufizon vendin e protestës, reagon PD

Shqipëria

Policia kufizon vendin e protestës, reagon PD

Më: 14 shkurt 2019 Në ora: 18:52
Ilustrim

Partia Demokratike i ka drejtuar një letër të dytë policisë së Tiranës pas njoftimit të parë të nisur lidhur me protestën e 16 shkurtit.

Mësohet se partia më e madhe e opozitës është kundër qëndrimit që ka mbajtur policia për të mos lejuar zhvillimin e protestës në rrugën "Ismail Qemali" në krah të Kryeministrisë.

Në datën 12 shkurt, sipas shkresës, PD ka kërkuar leje për mbajtjen e tubimit para Kryeministrisë dhe në bulevardin "Dëshmorët e Kombit".

Sekretari i Përgjithshëm i Partisë Demokratike, Gazmend Bardhi, në përgjigjen drejtuar policisë thekson se ky kufizim i vendosur nga autoritetet është pengim i paligjshëm i të drejtës së tubimit dhe si i tillë nuk do të merret në konsideratë nga opozita.

PD kërkon që policia të marrë masa për ruajtjen e rendit gjatë protestës në bulevardin "Dëshmorët e Kombit", sheshin para Kryeministrisë, lulishten te Piramida dhe rrugën "Ismail Qemali" në pjesën anësore të Kryeministrisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...