Arratiset gjyqtari Petrit Aliaj. Policia në Vlorë nuk gjen gjyqtarin që lehtësoi Dritan Dajtin

Shqipëria

Arratiset gjyqtari Petrit Aliaj. Policia në Vlorë nuk gjen gjyqtarin që lehtësoi Dritan Dajtin

Më: 15 shkurt 2019 Në ora: 15:25
Ilustrim

Shtëpitë e gjyqtarëve Skënder Damini dhe Petrit Aliaj u kontrolluan gjatë kësaj të premteje nga grupi operacional special.

Gjykata e Apelit Vlorë është e mbyllur dhe burime për Top Channel konfirmojnë se policia ende nuk ka kontrolluar zyrat e tyre, të cilat duhet të hapen vetëm në prani të tyre ose të avokatëve.

Për gjyqtarin Petrit Aliaj, të afërmit e tij tregojnë se ai nuk gjendet në Sarandë, por është larguar drejt Greqisë.

Gjyqtari tjetër i Apelit Vlorë, Skënder Damini ka shtëpi edhe në Vlorë, e cila është kontrolluar nga forca të shumta të policisë. Banesa ndodhet në zonën e Ujit të Ftohtë dhe kontrolli i saj u krye në prani të djalit të gjyqtarit, në kohën që gjyqtari ndërkohë gjendej në Tiranë, në banesën tjetër.

Ndërkohë, që në orët e para të mëngjesit, Policia e Lezhës dhe prokurorët e Krimeve të Rënda ushtruan kontrolle në banesën e gjykatësit Aleks Nikolli. Burimet bëjnë me dije se gjykatësit Nikolli nuk i është gjetur asgjë e paligjshme.

Sot mund të lexoni Shfletoni kopertinat