Nëntë punonjës të forcave të rendit, dy përfaqësues të medias dhe 8 protestues kanë marrë në kohë ndihmën mjekësore, fillimisht nga ekipet e terrenit të Urgjencës Kombëtare Mjekësore dhe me pas janë dërguar për mjekim të mëtejshëm në spitalet universitare të Tiranes.
Ministria e Shëndetësisë ka bërë të ditur se pasi kanë marrë trajtimin mjekësorë, aktualisht 19 personat e lënduar gjatë protestës së sotme, kanë lënë spitalin dhe janë në gjendje të mirë shëndetësore.
Ministrja e Shëndetësisë dhe Mbrojtjes Sociale, Ogerta Manastirliu ka falenderuar ekipet e urgjencës mjekësore për profesionalizmin dhe gatishmërinë e tyre të treguar ditën e sotme.
“Një falënderim për të gjithë ekipet e urgjencës mjekësore paraspitalore si dhe stafeve të urgjencave të dy spitaleve universitare, për gatishmërinë dhe profesionalizmin e treguar sot”, – thotë Manastirliu. /atsh