Koka: Nuk e lë mandatin! Ky është vendim i Saliut që bën thirrje për plumba ballit - Bota Sot
Koka: Nuk e lë mandatin! Ky është vendim i Saliut që bën thirrje për plumba ballit

Shqipëria

Koka: Nuk e lë mandatin! Ky është vendim i Saliut që bën thirrje për plumba ballit

Më: 19 shkurt 2019 Në ora: 17:34
Lefter Koka

Deputeti i LSI, Lefter Koka, ka sqaruar edhe një herë vendimin e tij për të mos e dorëzuar mandatin e deputetit.

Përmes rrjeteve sociale, Koka sqaron se vendimi nuk i përket Grupit të LSI, por Sali Berishës.

Deputeti durrsak është treguar i ashpër me ish-kryeministrin teksa shprehet se në shekullin XXI, ai po bën thirrje për plumba ballit.

Referuar kështu deklaratës së Berishës në mbledhjen e grupit të PD për Edi Ramën.

Nga ana tjetër, deputeti i LSI shkruan se mandati i tij nuk mund të përdoret për të djegur institucionet e vendit.

Deklarata e plotë e Lefter Kokës

Opozita dje mori vendimin për të djegur mandatet e deputetit.

Vendimi im i palëkundur është se unë nuk do të djeg mandatin e deputetit, që mijëra durrsakë më kanë besuar.

I zgjedhur prej vullnetit të bashkëqytetarëve të mi, për të ushtruar pushtetin legjislativ dhe të jem përfaqësuesi i tyre.

Parimet e mia në 2 dekada te jetës sime politike janë udhëhequr vetëm nga interesi i qytetarëve. Janë ata që me kanë treguar gjithmonë cila është e drejta dhe e vërteta, janë ata bashkëudhëtarët dhe udhërrëfyesit e mi.

Ky nuk është një vendim thjeshte i Lëvizjes Socialiste për Integrim por i Saliut, i cili në shekullin e 21 bën thirrje për plumba ballit.

Dhe nese erdhi dita që ai të tërheqë zvarrë LSI, a thua se LSI është Luli, nuk mund të më tërheqë zvarrë mua drejt aventurave qe une i gjykoj të turpshme për shoqërinë shqiptare dhe demokracinë.

Mandati im është besimi i mijëra qytetarëve. Është mandati i qytetarisë, kulturës dhe fisnikërisë durrsake , që as në ditët më të vështira të këtij qyteti nuk theu kurrë një xham.

Qytetarët durrsakë kanë treguar në çdo kohë, se ata janë shembulli më i mirë i shoqërisë shqiptare. Mandati im nuk mund të përdoret asesi për t’i vënë flakën institucioneve shtetërore apo parlamentit shqiptar.

Thellësisht mirënjohës për të përfaqësuar sa më denjësisht zërin tuaj!

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...